شهيدة

ـ1ـ

شَهِيدِه.. يَا شَهِيدِه

حِطِّي إِيدِكْ بِـ إِيدِي

عَمْ قُولْ: نْهارِكْ سَعِيدْ

لَنُّو رِدِّي السَّعِيدِه

ـ2ـ

قِلْتِيلِي: حاكِي بَيِّي

وْأُمِّي الْـ بِتْمُون عْلَيِّي

وْوَقْت اللِّي قِبْلُوا فِيِّي

صِرْتِي إِنْتِي الْعَنِيدِه

ـ3ـ

دُوَّخْتِينِي.. وِحْيَاتِكْ

مُشْ عَمْ إِفْهَمْ مَشْيَاتِكْ

كل ما بْنَفِّذْ حَكْياتِكْ

بِتْحِطِّي عِقْدِه جْدِيدِه

ـ4ـ

خِلِقْنا لْبَعْض.. وْكِرْمالِكْ

رَحْ جَرِّبْ إِغْزُل شَالِكْ

مْنِ الْغَيْم، وْرَيِّحْ بَالِكْ

لَوْ مِنْ حُبِّكْ أَكِيدِه

ـ5ـ

لَوْلا بْتِرْضِي عْلَيِّي بْكُونْ

مَمْنُونِكْ أَنا مَمْنُونْ

وْخايِف مِنْ شِي زَوْج عْيُونْ

مِعْتادِه عَ الْحَسِيدِه

**