ميشال شعنين

مثّل ميشال شعنين عام 1969 دور زعيم الهنود الحمر في إحدى مسرحيّاتي.

ـ1ـ

يا مِيشُو كيف حْوالَكْ؟

مِشْتَقْلَكْ مِنْ خَلف الْبَحرْ

وْمِشتاق لْصَوت رْجالَكْ

يا زَعيم هْنُود الْحُمرْ

ـ2ـ

كيفْ بْنَيَّات الضَّيْعَه

هَـ الْـ أَحْلَى مْن نْجُوم الصّبْح

ضَلُّوا انْبِسْطُوا.. وِالْبَيْعَه

لا تْبِيعُوها إِلاَّ بْربْح

ـ3ـ

خَبِّرْني عَنْ يُوسِفْ جِرْسْ

وْعن الْجَوْقَه الْمَفْرُوطَه

بْوَقت الْحَشْرَحَه تَرْكُوا الْعِرسْ

وْراحُوا أكلُوا مَخْلُوطَه!

ـ4ـ

زْعِلتْ.. وْما بْتَعْرِف قِدَّيْشْ

لِمِّنْ يِبْسِتْ تِينِتْنا

لازِمْ نِمْشي عَ البِقْبَيشْ

حَتَّى نِنْسَى مْصِيبِتْنا

ـ5ـ

وْخَيَّكْ جُوجُو وِفْرَنْسِيسْ

مْأَكَّدْ هَلَّقْ صَارُوا شْبابْ

قِلِّي الدِّغْري يا تلْبيسْ

مِشْتَقْلي يَمَّا كِذَابْ؟

ـ6ـ

وإِمَّك فَدْوى وْبُو يوسِفْ

كِيف حْوالُنْ يا خَيِّي

بَعْدُو بَيَّكْ ما بْيَعْرِفْ

إِنُّو مَرْتُو بْعَيْنِيِّه؟!

**