إبن إبن أخي جوزاف مرسال بعيني ـ23 آذار 2019
ـ1ـ
الليله بتحلى السهريه
بوجود عيله بعينيه
ودريبي من أحلى ناس
عيله بتسكن عينيي
جوزاف البي الحسّاس
وترّوز ورده جوريّه
هديونا الطفل الالماس
الـ صفّى من المسيحيّه
صلّب إيدك بالقداس
يا بيار وخلي الميرون
يبارك هالمعموديه
ـ2ـ
يا جماعه عندي جار
بيسوى الدنيي وما فيها
بشوفو قبالي ليل نهار
وقلبي بيصرخ آويها
بحبو بحبو مهما صار
وراية حبّو بعلّيها
إسمو بيار وأهلو كبار
عيله يا ربي حميها
قالوا جارك قبل الدار
أحلى جار وأغلى دار
بحجار قلبي ببنيها
ـ3ـ
بنص إسمك إسم جدّك موضعو
مرسال.. بعدو ساكن بقلبك
وجدّك التاني هون يا ما أروعو
جايي يقلّك كلمة: بحبك
وانطوانيت ولور عم يتطلعوا
صوب السما تا يحرسوا دربك
وبيّك وإمّك صعب حتى يشبعوا
من ضحكتك.. من طلتك يا بيار
وعمك الأكبر ساكن بـ قربك
**
