يوم ولادة (بات) بترونلة.. ابنة أخي أنطوان 1969
ـ1ـ
أَهْلاَ وْسَهْلاَ بْحُلْوة الْحُلْوَاتْ
يَا وَرْدِة الْـ بِالْقَلْبْ مَشْتُولِه
إِنْتِي الدِّنِي وْشَمْس الدِّنِي يَا (بَاتْ)
يَا زْغَيّرَه.. وْعَ الإِيدْ مَحْمُولِه
ـ2ـ
نْطَرْنَا وْصُولِكْ مِنْ زَمَان بْعِيدْ
وِالْيَوْم زَلْغَطْ قَلبنَا وْغَنَّى
وْصِرْنَا نْزَقِّفْ.. نِدْبُك بْهَالْعِيدْ
عِيد الطُّفُولِه الْـ زَهّرِتْ عِنَّا
ـ3ـ
بَيِّكْ فِرِحْ لِمِّن عيُونِكْ شَافْ
وْقَال: السِّحرْ نَايِمْ بِـ عِينَيْهَا
وزت ضحكة حب فوق شْفَافْ
صَار الْوَرْد يِتْسَرَّق عْلَيْهَا!
**
