إبنة إبن أخي شربل مرسال بعيني 18/6/2022
ـ1ـ
تشارلي الحملت إسم البي
وإسم العم.. هنيّالي
بقربانتها رح قول خي
وهنّي الأرزه بجبالي
ـ2ـ
يا تشارلي قبلتي يسوع
بقربانه ما أحلاها
القربانه بتقيم الجوع
ما فيكي تعيشي بلاها
ـ3ـ
خبّيها بقلبك ع طول
وقولي لإمّك حبّيتا
وقولي لبيّك دق طبول
القربانه عرفت بيتا
ـ4ـ
مبروكه هالقربانه
يا تشارلي بنت بعيني
مجدليا فرحانه
وحدشيت زهره بجنينه
ـ5ـ
يسوع العم بتحبّيه
رح يحرسنا بهالغربه
كل ما بقلبك بتخبّيه
إنتي بتتخبّي بقلبي
**
