أول قربانة باتريك إبن إبن أخي دومنيك جوزاف بعيني 31/8/2020
ـ1ـ
بأول قربانه.. باتريك
قلّو ليسوع بحييك
عم إتناول هالقربان
تا بقلبي تغلّ وخبّيك
ربّتني أمي لوران
ع الحب المتجسّد فيك
وبيّي الأصلو من لبنان
عمّر للتقوى مداميك
واختي وخيّي.. وين ما كان
غنّوا لإسمك يا يسوع
ساعدهم أللـه يخلّيك
ـ2ـ
وهالـ باتريك المنحبّو
شبّ زغيّر.. مش معقول
بعيني.. ويقبرني ربّو
الطلّه عم تِدْوِخ العقول
العدرا عم تحرس دربو
بقربانتو مندق طبول
العيله مجتمعه بقربو
من مجدليا وحصرون
وأنا من الفرحه مجنون
مش عارف شو بدّي قول
**
