إلى مرسيلا ابنة ابن أخي جوزاف مرسال بعيني بمناسبة معموديتها المقدسة في 13 شباط 2021 :
ـ1ـ
لا تبكي يا مرسيلاّ
بتزعل هالدنيي كلاّ
الدمعه البعيونك بتصير
شمعه ع مدبح ألله
ـ2ـ
جدّك فرحان بهاليوم
حملت إسمو البنيَّه
تعمدتي تا قلبك دوم
يشعشع بالمسيحيَّه
ـ3ـ
يا مرسيلاّ إنتي الجيل
الرح بيكمّل عيلتنا
نحنا كبرنا.. العمر تقيل
وجيتي تكفّي رحلتنا
ـ4ـ
جوزاف بيّك أحلى بيّ
وإمّك تيريزا دخيره
إنتي وأنا بفرد حيّ
وفيكي عم تحلى الجيره
ـ5ـ
وبيار اللي بحبّو كتير
خيّك.. يقبرني قلبو
فيكن صفى قلبي كبير
بحبّك متل ما بحبّو
ـ6ـ
ولا تنسي الجار الختيار
دايماً دقّي ع بوابو
شربل عمّك مهما صار
بتضلّي أغلى حبابو
**
