أول قربانة إيلّا، ابنة ابن أخي أنطوني جوزاف سركيس بعيني ـ حزيران 2017
ـ1ـ
قبلتي المسيح بقلّك اسمالله
يا أجمل الزّهرات.. يا إيلّلا
قربانتك كلاّ قداسه ونور
الخوري عليها بارك وصلاّ
جوان إمّك حامله البخور
تا تبخرك.. محتار شو بقلّلا
وعيون بيّك واقفه ناطور
بنتو الوحيده بالدني كلاّ
ـ2ـ
إيلّلا بعيني.. تسلمي لعمّك
شربل.. بيقلبو دوم بيضمّك
شفتك عروس ولابسه الطرحه
وضحكات متل الشمس عَ تمّك
وأمّك وبيّك زيّنوا الفرحه
كوني متل بيّك.. متل أمّك
يا زهرة العيله المنشرحه
الكون كلّو حابب يشمّك
ـ3ـ
جوزاف خيّك فرحتو قنطار
أختو الحبيبه باست القربان
شيخ الشباب مكللك بالغار
إيلّلا حياتو.. رفيقتو من زمان
متل زهره مفتحه بنوّار
يا تنين.. أحلى تنين بالهجران
فوتوا ع قلبي نهار خلف نهار
خلوا القلب بوجودكن فرحان
**
