عيد ميلاد ابن أخي انطوني جوزاف سركيس بعيني وزوجته جوان
أربعين سنه! معقول؟.. مش معقول!
بَعْدَك بـِ عينيي طفل مَحْمول
عَ كْتاف بيّك.. عَ صدر امك
وضحكة شفافك ضاويه ع طول
دمّ القداسه.. بْشبّهو لدمّك
إبن البعيني بالتقى مغزول
وحدَّك جوان الشايْله همّك
رفيقة درب.. إسما دهب مصقول
وطيرين حملوا بهالعمر إسمك
لإيللا وجوزاف الكون دقّ طبول
يا أنطوني.. هالـ عمّدك.. عمّك
دمعو ع خدّو من السعاده سيول
بهالعيد بدّي شمشمك.. ضمّك
ألله عطاني إبن بالميرون
مهذب.. وفي.. بالتضحيه مجبول
**
